Arrangement

Internasjonalt samarbeid står i dag under press. Dette gjeld ikkje minst internasjonalt utviklingssamarbeid. Geopolitiske spenningar mellom stormaktene, aukande rivalisering mellom USA, Kina og Russland, og dessutan regionale konfliktar gjer det vanskeleg å oppnå konsensus i globale forum. 

Som del av dette blir finansieringa av utvikling og tradisjonell hjelp svekka, både fordi rike land prioriterer eigne tryggleiks- og innanrikspolitiske behov, og fordi nye former for finansiering ikkje i tilstrekkeleg grad fyller gapet. Spørsmålet om rettferdig fordeling – mellom rike og fattige land, Nord og Sør – har vorte stadig meir prekært i møte med klimaendringar, pandemiar og gjeldskriser. Samtidig viser FN-prosessen om Finansering for utvikling og G20 sitt ministermøte i sommar at verda klarer å finne semje trass høg polarisering. Høgnivåveka i haust i FN, årsmøta i IMF og Verdsbanken, og dei kommande ministermøta i G20 vil by på nye moglegheiter – men også utfordringar.

KLIKK HER FOR Å MELDE DEG PÅ.

G20 har vakse fram som ein nøkkelarena for å handtere slike utfordringar, ettersom gruppa samlar både etablerte industriland og framveksande økonomiar. Likevel speglar også G20 dei djupe spenningane i dagens verdsorden. G20s dagsorden– frå klimafinansiering til global helse og gjeldslette – viser potensialet for samarbeid, men også den grunnleggjande usemja som svekkjer helsetilstanden til multilateralismen.

NUPI inviterer til diskusjon om korleis Noreg kan jobbe utover hausten for å bidra til reell framgang på utviklingsfeltet i ei polarisert verd, og kva rolle G20 og Noregs gjestelandsdeltaking kan spele i dette arbeidet.

Deltakarar:

Utviklingsminister, (Ap), Åsmund Grøver Aukrust

Forskar I, NUPI, Ole Jacob Sending

Forskar I, Fafo, Camilla Houeland

Direktør, NUPI, Kari Osland (ordstyrar)

 

Meir om dette temaet: 

• Høyr vår podkast The World Stage: Er samarbeidets tidsalder over?
• Les vår G20-rapport: Emerging powers, the G20, and reform of multilateral institutions
• Få med deg opptak av dette seminaret om G20: G20 og framveksande makter: Kva betyr utviklinga for Noreg?

Merk at NUPI si nye adresse er Rosenkrantz' gate 22, 4. etasje. Arrangementet blir også strømma til NUPIs YouTube-kanal: